ЗЭЛЬВА ЗАПРАШАЕ НА ЮБІЛЕЙНЫ КІРМАШ! (+ КАНТАКТНЫЯ ТЭЛЕФОНЫ, ІНСТРУКЦЫІ КОНКУРСАЎ)

300 год!!! 3 стагоддзі!!! Менавіта столькі сёлета ў жніўні спаўняецца знакамітаму Ганненскаму кірмашу ў Зэльве, які вабіў сваёй значнасцю купцоў і гандляроў з усяго свету. Як сведчыць гісторыя, менавіта дзякуючы кірмашу мястэчка было вядома ўсяму свету яшчэ ў XVIII стагоддзі. Тагачасныя зэльвенскія кірмашы былі аднымі з буйнейшых у Еўропе і саступалі па сваёй значнасці толькі знакамітым лейпцыгскім. У 2001 годзе Ганненскі кірмаш атрымаў “новае дыханне”. Свята стала адным з самых масавых і жаданых для жыхароў і гасцей Зэльвеншчыны.

Сёлета маштабныя гулянні пройдуць 20 і 21 жніўня.

У першы дзень свята традыцыйна будзе набіраць свой размах на вадасховішчы. Зэльвенцаў і гасцей пасёлка чакаюць: спаборніцтвы па рыбнай лоўлі сярод дарослых і дзяцей, конкурсы “Рыбныя смакі”, “Фігуры з пяску”, “Заплыў на чым папала”, спартыўныя гульні, фестываль фарбаў “Color Fest” і многае іншае.

Другі святочны дзень распачнецца на цэнтральнай плошчы гарадскога пасёлка тэатралізаваным прадстаўленнем, героем якога будзе гаспадар кірмашу Антоній Казімір Сапега. З галоўнай сцэны пацешаць гледачоў сваім вакалам і танцамі розныя творчыя калектывы і зоркі беларускай эстрады. Збяруцца тут і лепшыя хлебаробы Зэльвеншчыны на традыцыйныя раённыя «Дажынкі-2021». Займальна і весела адпачываць на кірмашы можна будзе на разнастайных пляцоўках, якія размесцяцца ў цэнтральнай частцы Зэльвы: творчай, прадпрымальніцкай, турыстычнай, дзіцячай, гульнёвай, рамеснай. Як заўсёды, арыгінальнымі абяцаюць быць падворкі сельгасарганізацый і сельсаветаў раёна з цікавым жанравым прадстаўленнем,  таксама зэльвенцы рады будуць бачыць уладальнікаў аграсядзіб і суб’ектаў малога бізнесу з іншых раёнаў. Будуць працаваць гандлёвыя рады,  фуд-корт, можна будзе пакатацца на брычках і павозках, паглядзець выступленні конных і рыцарскіх клубаў. Абавязкова трэба будзе пабываць і на закрыцці свята. Сапраўдны баль у  князя Сапегі, відовішчнае вогненнае шоу, прыгожы святочны феерверк – запамінальны фінальны акорд юбілейнага святкавання.

Раім усюды паспець і ўсё пабачыць. Не пашкадуеце!

Для таго, каб гасцям было лёгка арыентавацца, па ўсёй тэрыторыі святочнага пасёлка будуць устаноўлены ўказальнікі і інфармацыйныя дошкі. На плошчы арганізуе работу інфармацыйны цэнтр, дзе можна будзе набыць гасцявыя карты, заказаць экскурсію.

КАНТАКТНЫЯ ДАДЗЕНЫЯ ПА ПЫТАННЯХ АБ ПАРАДКУ УДЗЕЛУ Ў СВЯЦЕ:

Дырэктар Зэльвенскага раённага Цэнтра культуры і народнай творчасці — Сонец Святлана Уладзіміраўна, 801564 7 10 02;

Намеснік дырэктара — Матвейчык Наталля Міхайлаўна, 8 01564 7 11 39, +375 33 6212069;

Арганізацыя работы з рамеснікамі — Умарава Таццяна Георгіеўна, 8 01564 7 11 39;

Рэгістрацыя і прыём заявак ад уладальнікаў атракцыёнаў, гульнёвых комплексаў — Дзярэчык Мікалай Пятровіч, 8 01564 7 11 69.

Заяўкі на ўдзел у свяце можна даслаць на электронны адрас: zelvarmc@mail.ru

ІНСТРУКЦЫІ АБ ПАРАДКУ АРГАНІЗАЦЫІ КОНКУРСАЎ У РАМКАХ СВЯТА «ГАННЕНСКІ КІРМАШ»:

КОНКУРС СЕЛЬСКОХОЗЯЙСТВЕННЫХ ПОДВОРИЙ Скачать

КОНКУРС ПЛАВАНИЕ НА ЧЁМ ПОПАЛО Скачать

КОНКУРС НА ЛУЧШУЮ КОННУЮ ПОВОЗКУ Скачать

КОНКУРС НА ЛУЧШИЙ КОСТЮМИРОВАННЫЙ КОЛЛЕКТИВ Скачать

КОНКУРС НА ЛУЧШЕЕ ТОРГОВОЕ МЕСТО Скачать

КОНКУРС НА ЛУЧШЕЕ БЛЮДО ИЗ РЫБЫ Скачать

КОНКУРС КОМПОЗИЦИЙ И ФИГУР ИЗ СОЛОМЫ Скачать

КОНКУРС КИРМАШОВАЯ ЛАВКА Скачать

КОНКУРС НА САМОГО АКТИВНОГО ПОКУПАТЕЛЯ Скачать

Оставьте ответ

Ваш адрес email не будет опубликован. Обязательные поля помечены *